Ambasadori i Gjermanisë në Tiranë, Helmut Hoffman, shprehet se miratimi i reformës në drejtësi do të mundësojë çeljen e negociatave të anëtarësimit të Shqipërisë në Bashkimin Europian. <br /><br />Gjatë Konferencës "Shqipëri-Serbi, drejt të ardhmes në BE", që po zhvillohet në Durrës, ambasadori gjerman theksoi se shpreson në një miratim të shpejtë të reformës në drejtësi.<br /><br />"Kemi shprehur besimin se do të miratohet reforma në drejtësi dhe ne shpresojmë në miratimin e saj. Kur themi reformë në drejtësi, flasim për rëndësinë e saj. Procesi për hyrjen në BE duhet kohë të zhvillohet. Nëse miratohet reforma pres që komisioni të dalë në një rezultat pozitiv për hapjen e negociatave", u shpreh Hoffman. <br /><br />Sipas tij, procesi i integrimit kërkon kohë dhe këtë të gjithë e dinë. <br /><br />I pranishëm në këtë konferencë, kryetari i Kuvendit, Ilir Meta u shpreh se pa ndihmën e ambasadorëve, është e vështirë të çohet përpara reforma në drejtësi. <br /><br />"Pa ambasadorët, reformën në drejtësi e kemi të vështirë ta çojmë përpara ndaj ne duhet të çlirohemi nga komplekset", theksoi Meta.
