Një punonjës i policisë bashkiake në Shijak, është arrestuar sot në flagrancë.<br /> <br />Gerti Dedja 35 vjeç, banues në lagjen Shijak, me detyrë punonjës i Policisë Bashkiake Shijak është vënë në prangat e policisë për korrupsion.<br /> <br />Ai u merrte shuma të ndryshme parash tregtarëve ambulantë, dhe i lejonte të shisnin produktet e tyre pranë tregut të fshatar të qytetit të Shijakut.<br /> <br />Arrestimi i policit bashkiak është kryer nga specialistët e Seksionit për Korrupsionin në Drejtorinë Vendore të Policisë Durrës, në bashkëpunim me Prokurorinë pranë Gjykatës së Shkallës së Parë, pas një hetimi 2-mujor.<br /> <br />Në cilësinë e provave materiale u sekuestruan një sasi parash dhe dy telefona celular.<br /> <br />Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale ?Korrupsioni pasiv i personave që ushtrojnë funksione publike?, parashikuar nga nenin 259 të Kodit Penal.
