Një person është ekzekutuar me armë zjarri sot në qytetin e Durrësit.<br /><br />Viktima është Shpëtim Shala, 38 vjeç, baba i tre vajzave, i cili është gjetur i pajetë brenda automjetit të tij, tip Volfswagen "Golf 5" me targa AA 086 HJ.<br /><br />Ngjarja ka ndodhur në një zonë të populluar të plazhit të Durrësit, ku fare pranë ndodhet edhe shtëpia e Prokurorit të Përgjithshëm Adriatik Llalla.<br /><br />Sipas Policisë, krimi është kryer me anë të një arme "scorpion" me silenciator, ndërsa autorët mësohet të kenë qenë vrasës profesionistë.<br /><br />Policia ka gjetur 10 gëzhonja në vendin e ngjarjes, çka nënkupton se në drejtim të trupit të viktimës është qëlluar disa herë.<br /><br />Shpëtim Shala ishte banor i qytetit të Durrësit, por jetonte me qira.<br /><br />Atentati është i paramenduar pasi dyshohet se viktima është ndjekur prej kohësh nga vrasësit dhe i është bërë pritë vetëm ditën e sotme.<br /><br />Pak para se të qëllohej për vdekje, Shpëtim Shala ka qenë duke luajtur futboll me shokët e tij në zonën e plazhit.<br /> <br />Pas ndeshjes, Shala ka qenë duke u larguar me automjetin e tij Volfswagen "Golf 5", kur edhe i është bërë atentati që i mori jetën. <br /><br />Policia ka shoqëruar 15 persona të dyshuar si autorë të vrasjes, ndërsa janë sekuestruar kamerat e sigurisë pranë vendit ku ndodhi krimi.<br /><br />Burime pranë policisë së Durrësit thonë se shkak i vrasjes dyshohet të jetë hakmarrja, por nuk përjashtohet edhe një sherr i momentit mes viktimës dhe autorëve të krimit.<br /><br />Megjithatë, Shala njihej në Durrës si person me precedent të mëparshëm penal, pasi pak vite më parë ishte hetuar për trafik lëndësh narkotikësh. <br /><br />Gjithashtu, Shpëtim Shala rezulton i shoqëruar disa herë nga Policia për ngjarje të ndryshme kriminale në Durrës, por asnjëherë nuk është provuar përfshirja e tij direkte.
