Gjykata Kushtetuese i heq mandatin deputetit Koço Kokëdhima.<br /> <br />Trupi i gjykues i përbërë nga 9 anëtar konstaton se mandati i deputetit socialist të qarkut Vlorë është i papajtueshëm me Kushtetutën.<br /><br />Për heqjen e mandatit Gjykata i është referuar nenit 70 të Kushtetutës, ku një deputet ndalohet të përfitojë fonde publike gjatë ushtrimit të mandatit.<br /><br />Dhe sipas Kushtetueses, Koço Kokëdhima ka përfituar fonde në përmjet kompanisë së tij të internetit nga disa kontrata që ka nënshkruar me institucione publike.<br /><br />Mandati i Kokëdhimës u çua në Gjykatën Kushtetuese nga Partia Demokratike që e akuzon se ka përfituar 150 tendera nga fondet publike.<br /><br />Vendimi i Kushtetueses duket se e ka gjetur me vend ankesën e të djathtëve, të cilët i kërkuan gjykatës të ndërpriste mandatin e Kokëdhimës pasi është konstatuar papajtueshmëri.<br /><br />Gjatë seancës së marrjes së provave deputeti Kokëdhima e cilësoi këtë si një sulm politik, ndërkohë që kompania e tij i kishte lidhur kontratat përpara se ai të merrte mandatin. <br /><br />Më herët ka qenë Këshilli i Mandateve në Kuvendin e Shqipërisë që ka rrëzuar kërkesën e të djathtëve për heqjen e mandatit të deputetit Koço Kokëdhima, por që ma pas Kushtetuesja ka vendosur pro kërkesës së PD. <br /><br />Në Gjykatën Kushtetuese shumë shpejt do të shqyrtohen edhe mandatet e deputetëve të tjerë socialistë, Valentina Leskaj dhe Rakip Suli, për të cilët Partia Demokratike shprehet se kanë përfituar fonde publike me anë të kompanive të tyre.<br /><br />Fatmir Xhafa në një deklarim pas marrjes së vendimit ka thënë se, respekton vendimin e marrë nga trupa gjyqësore.<br /><br />?Nuk bëj komente mbi vendimet e Gjykatave, e respektoj vendimarrjen e saj. S'jam kaq i shpejtë se s'bëj pjesë në stafin tuaj? tha Xhafa.
