Ndërsa një ditë më parë kreu i opozitës u bëri thirrje qytetarëve që të denoncojnë çdo rast që kanë dije për emërime për perona me të shkuar kriminale në administratën publike.<br /><br />Në faqen zyrtare në internet të PD.al është publikuar formulari i këtyre denoncimeve.<br /><br />Në hapësirën ku mund të bëhen denoncimet PD u kërkon qytetarëve të denoncojnë dijeninë e fakteve të padeklaruar prej funksionarëve.<br /><br />Në këtë linjë PD u kërkon atyre që denoncojnë, të japin informacion rreth emrit të funksionarit, institucionit ku ai punon si dhe funksionin që ushtron.<br /><br />Gjithashtu PD i fton ata që të plotësojnë të dhënat e personave të dyshuar për të shkuarën kriminale duke dhënë informacione për dijeninë e rasteve ku ka pasur dënime penale, arrestime apo ndalime e madje edhe për shtetet përkatëse.<br /><br />Ndonëse zyrtarët pas miratimit të ligjit të dekriminalizimit duhet të plotësojnë formularin e vetëdeklarimit, në portalin e denoncimeve nga PD kërkohet që qytetarët të japin informacion nëse ka dijeni për persona që kanë pasur më shumë se sa një emër e që ushtrojnë funksione publike.<br /><br />4 maji ishte afati i fundit kur zyrtarët duhet të plotësonin formularin e vetëdeklarimit.<br /><br />Me mbylljen e këtij procesi institucionet përgjegjëse që vënë në lëvizje mekanizmat për zbatimin e ligjit të dekriminalizimit, siç është KQZ dhe DAP, prokuroria ka nisur procesin e verifikimit rast pas rasti.
