Ka shkuar për tu interesuar për pensionin por sorollatja në zyrën e Sigurimeve shoqërore ka bërë që 68-vjeçari Haxhi Lisaj të qëllonte në ajër plot 5 herë.<br /><br />Ngjarja e rëndë ka ndodhur rreth orës 09-10 të së mërkurës, ndërsa nga të shtënat fatmirësisht nuk ka pasur pasoja në njerëz.<br /><br />Ndërhyrja e menjëhershme e efektivit të patrullave të përgjithshme ka bërë që të neutralizohet i moshuari dhe më pas të arrestohet.<br /><br />Sipas dëshmitarëve në vendngjarje, Lisaj kishte që në orët e para të mëngjesit pranë institucionit të Sigurimeve Shoqërore, pasi kishte pretendimin mbi pensionin.<br /><br />Por përgjigja e marrë nga punonjësit e sigurimeve shoqërore ka irrituar edhe më shumë 68-vjeçarin i cili është larguar pranë biçikletës së tij nga ku ka nxjerrë armën, shotgan, dhe është afruar përsëri pranë godinës se Sigurimeve Shoqërore, ku edhe ka nisur të qëlloj në ajër.<br /><br />Pasi ka gjuajtur, i moshuari ka lënë armën në tokë dhe është dorëzuar tek efektivi i patrullave të përgjithshme, i cili ka ndërhyrë menjëherë pasi ka dëgjuar të shtënat në ajër.<br /><br />Ndërkohë në vendngjarje ka mbërritur edhe grupi hetimor i cili ka nisur punën për zbardhjen e plotë të ngjarjes, ndërsa i moshuari pas arrestimit është dërguar në komisariatin e Shkodrës ku edhe do të merret në pyetje mbi ngjarjen e rëndë që fatmirësisht nuk pati pasoja në njerëz.
