Komisioni i Sigurisë Kombëtare ka votouar sot kërkesën e demokratëve, të cilët një ditë më parë kërkuan që Ministri i Brendshëm Saimir Tahiri, Kreu i Policisë së Shtetit Haki Çako, kryeprokurori Adriatik Llalla dhe kreu i SHISH Visho Ajazi Lika të raportojnë në komision mbi pajisjes e përgjimit, e cila është kthyer në kryefjalë të këtyre ditëve. <br /><br />Tahiri, Çako, Llalla dhe Ajazi pritet të raportojnë nësër në një seancë dëgjimore mbi pajisjen e përgjimit, për të cilën PD thotë se ndodhet në Policinë e Shtetit.<br /><br />Debate janë zhvilluar mbi faktin nëse i duhet çuar kërkesë kryeprokurorit Llala pasi sipas maxhorancës, prokurorin nuk e lejon ligji të flasë në komision për çështje të veçanta.<br /><br />Drejtuesi i komisionit Flamur Noka u shpreh gjatë mbledhjes se pajisja e përgjimit është e paligjshme dhe cënon sigurinë kombëtare. Sipas tij pajisja të përgjon me telefon fikur dhe kushton 800 mijë euro.<br /><br />Ndërkohë deputeti i LSI-së Luan Rama ka mbatjur të njëjtim qëndrim, duke deklaruar se është dakort që kreu i SHISH të thirret në një seancë dëgjimore.<br /><br />Rama ka kërkuar që policia të respektojë kuadrin ligjor, pasi ka mospërputhje mes deklaratave të ministrit Tahiri dhe Presidentit. Po ashtu ai ka thënë se implikimi i Interforcës do të ishte një shkelje e rëndë.<br /><br />Në mbledhjen e djeshme të Komisionit, deputetët e maxhorancës nuk ranë dakort me kërkesën e demokratëve, pasi thirrja e Tahirit, Çakos, Llallës dhe Ajazit në komision duhet të bëhej sipas procedurave, duke u hedhur në votim.
