Në Selanik të Greqisë u zhvillua ceremonia e fillimit të punimeve të gazsjellësit Transadriatik.<br /> <br />Shqipëria përfaqësohej në këtë aktivitet nga ZëvendësKryeministri, Niko Peleshi dhe Ministri i Energjisë dhe Industrisë, Damian Gjiknuri, ndërkohë që në të morën pjesë përfaqësues nga shumë shtete të përfshira në projekt, si dhe nga Bashkimi Evropian e Shtetet e Bashkuara të Amerikës.<br /> <br />Peleshi u shpreh se gazsjellësi ka një rëndësi strategjike për ekonomitë e vendeve, ashtu si dhe përbën një faktor paqeje në rajon.<br /> <br />Sipas tij, TAP ka filluar të japë efektet e para të investimit me rrugët dhe urat e aksesit që tashmë kanë përfunduar në 65 për qind të tyre duke përmirësuar jetesën e banorëve në zonat e thella rurale ku kalon gjurma e TAP.<br /> <br />Kryeministri i Greqisë Aleksis Tsipras u shpreh se ky gazsjellës vjen në momentin më të mirë për vendin e tij në kushtet kur situate ekonomike mbetet e vështirë.
