Kreu i Shërbimit Informativ Shtetëror, Vusho Ajazi Lika ka deklaruar në Komisionin e Sigurisë Kombëtare se para dy muajsh ka mbërritur në Vlorë, një pajisje e teknologjisë së lartë IMCI Catcher. Sipas tij, problematike ishte fakti se kjo pajisje kishte hyrë e pa deklaruar në Shqipëri dhe për këtë arsye ai ka informuar Prokuroin e Përgjithshëm Adriatik Llalla.<br /><br />Sa i përket faktit nëse pajisja është përdorur për përgjim apo jo, kreu i SHISH tha se nuk disponon informacione të tilla. Sipas tij pajisja përdorej nga policia italiane për një trajnim të policisë shqiptare.<br /><br />Pas kësaj jam thirrur nga Nishani dhe jam pyetur për këtë informacion. Ministrin e Brendshëm nuk e kam informuar," shtoi Ajazi duke u shprehur se nuk ka raportuar as tek kryeministri Rama pasi gjithçka ishte mbi bazën e dyshimeve dhe e pakonfirmuar.<br /><br />"Duke qenë se ishte një dyshim, unë e ndava fillimisht shqetësimin me Prokurorin e Përgjithshëm. Ishte Presidenti Nishani ai që më kërkoi informacione," sqaroi kreu i SHISH.<br /><br />Më tej kreu i SHISH tha se nevoja për një pajisjeje përgjimi në Shqipëri është legjitime, vetëm nëse përdoret për shkelësit e ligjit. Pyetjes nëse pajisja në fjalë përbën kërcënim për sigurinë kombëtare, Ajazi iu përgjigj po, gjithmonë nëse ka kapacitete përgjuese.<br /><br />"Nuk është tagri im për të përcaktuar nëse është pajisje përgjimi apo trajnimi," tha Ajazi. <br /><br />Pyetjes së Luan Ramës nëse pas takimit me Nishanin, Ajazi duhej të ishte takuar sërish me Llalën, Ajazi i është përgjigjur duke thënë po. Por sipas tij Kryeprokurori nuk i ka kërkuar që të mbledhë më shumë informacione mbi pajisjen.<br /><br />Nëse duhej të informohej kryeministri Rama, Ajazi tha sërish se informacioni që kishte ishte i pakonfirmuar dhe si i tillë nuk mund të informonte kryeministrin.
