Detaje të reja janë zbardhur nga atentati i mbrëmshëm në Vlorë, ku i plagosuri Armnando Sulejmani është qëlluar me 11 plumba por e kanë kapur vetëm dy prej tyre.<br /><br />Atentati me armë zjarri ndodhi në lagjen "Pavarësia" dhe policia shton se Sulejmani 39-vjeç, ose siç ndryshe njihet ?Çipuri? është me precedentë të mëparshëm penal. <br /><br />Të dhënat nga grupi hetimor, bëjnë të ditur se ndaj tij është qëlluar disa herë nga dy persona, njëri prej të cilëve i pajisur me armë silenciator, por vetëm një plumb e ka kapur në krah objektivin e autorëve, i cili është jashtë rrezikut për jetën. <br /><br />Në vendin e ngjarjes ekspertët e policisë dhe prokurorisë kanë gjetur 13 gëzhoja, 10 nga të cilat sipas policisë, u gjuajtën nga atentatorët e Sulejmanit, ndërsa dyshohet se edhe vetë i plagosuri i është kundërpërgjigjur me armë sulmit, duke shtënë 3 herë në drejtim të atentatorëve. Tre gëzhoja i përkasin armës së Sulejmanit, pistoletë tip TT. <br /><br />Policia me të marrë provat në vendin e ngjarjes ka nisur hetimet për të gjetur ndonjë person tjetër të plagosur, pasi aty ka pasur shkëmbim zjarri.<br />Kjo ka bërë që ata të nisin kontrollet në spitale dhe qendra shëndetësore për të parë nëse është paraqitur ndonjë i plagosur për ndihmë mjekësore.<br /><br />Ngjarja ka ndodhur pranë banesës së Sulejmanit, në momentin kur ai po i drejtohej hyrjes së pallatit.<br /> <br />Aty i kishin zënë pritë dy personat e maskuar, të cilët kanë hapur zjarr në drejtim të 39 vjeçarit. Ky i fundit ka qenë i shoqëruar nga një person tjetër në momentin kur po i drejtohej banesës. <br /><br />39 vjeçari njihet nga policia si anëtar i bandës së Gaxhait. Ai ishte i dënuar me 20 vite burg për vrasje, ndërsa vetëm pak kohë më parë kishte fituar lirinë.<br /> <br />Policia ka shoqëruar disa persona për t'i marrë në pyetje, por ende nuk ka një të dyshuar konkret për ngjarjen ku mbeti i plagosur 39 vjeçari Armando Sulejmani.
