Është mbyllur diskutimi nen për nen i draftit të ekspertëve të reformës në drejtësi. Në përfundim të mbledhjes së komisionit të posaçëm parlamentar, bashkëkryetari demokrat, Oerd Bylykbashi, u shpreh se opozita propozon një sistem efikas dhe të thjeshtë. <br /><br />Palët kanë ndarë qëndrime të përbashkëta sa i takon procesit të "Vetting"-ut, ose kontrollit të gjyqtarëve dhe prokurorëve.<br /> <br />"U mbyll faza e diskutimit nen për nen për reformën në drejtësi. Jemi të hapur të gjejmë një zgjidhje që t'i shërbejë shqiptarëve për 10-vjeçarë", u shpreh Bylykbashi.<br /> <br />Ai theksoi theksoi se shumica vazhdon të insistojë për kapjen politike të sistemit. <br /> <br />Nga ana tjetër, kryetari i komisionit të posaçëm parlamentar për reformën në drejtësi, Fatmir Xhafaj, duke komentuar paketën e propozimeve të PD, u shpreh se demokratët duhet të reflektojnë mbi draftin e ekspertëve.<br /> <br />"Ajo që diskutuam sot është kontribut tre palësh. Në këtë proces kërkohet paanshmëri dhe objektivitet. Ne thërritëm në ndihmë për të reflektuar në opinionin final ekspertizën ndërkombëtare OPDAT e EURALIUS, ata na sollën një projekt të cilin ne po e diskutojmë teknikisht. Deklaruam që ky kapitull është hartuar erdhe me kontributin e agjencive përkatëse në Uashington e Bruksel. Pra, që s'ka marrë thjesht ekspertizën e Venecias, por ka marrë edhe ekspertizën e agjencive në Uashington e Bruksel. Ato që lexoi PD janë prememorie politike. Shpresoj të reflektojnë mbi ekspertizën e EURALIUS e OPDAT", tha Xhafaj.<br /> <br />Ai theksoi se pas shqyrtimit nen për nen të draftit, diskutimi do të nisë në nivel politik për të zgjidhur çështjet që ndajnë palët.<br /><br />"Deputetët janë njerëz të politikës dhe aty diskutohet edhe politikisht. Ka një çështje mirëfilli politik siç është ajo për reformatimin e institucioneve. Venecia ka lënë vetëm një çështje që duhet të diskutohet politikisht, që është çështja e shumicave të cilësuara, si do të zgjidhen KLGJ, KLP dhe institucionet e tjera, duke i konsideruar të gjitha çështjet e tjera, teknike, për të cilat është dhënë përgjigje nga Venecia. Çështjet e tjera janë teknike", tha Xhafaj.<br /><br />12:00 Zv/ambasadori Amerikan, Vlahutin dhe eskeprtët e EURALIUS e OPDAT takojnë Fatmir Xhafajn<br />Zv.Ambasadori i Shteteve të Bashkuara të Amerikës, David Munuz, ambasadorja e BE Romana Vlahutin dhe ekspertët e EURALIUS e OPDAT kanë takuar sot kreun e komisionit të posaçëm të Reformës në Drejtësi Fatmir Xhafaj.<br /><br />Takimi vjen vetë një orë përpara mblehdjes së këtij komisioni që do të shqyrtojë kapitullin e fundit të paketës së ndryshimeve kushtetuese. Kjo pritet të jetë dhe mbledhja e fundit kur palët diskutojnë nen për nene për këto ndryshime në reformën në drejtësi.<br /><br />Takimi mes tij dhe Xhafës është mbajtur në Kryesinë e Kuvendit dhe vjen vetëm një orë përpara takimit që do të mbahet në këtë komision ku pritet që të miratohet kapitulli i fundit i kësaj reforme.
