Dy skulpturat e vendosura së fundi në qendër të qytetit janë dëmtuar nga dora e papërgjegjshme e njeriut.<br /> <br />Ngjarja mendohet të ketë ndodhur gjatë natës dhe sot në mëngjes është evidentuar nga kalimtarë.<br /> <br />Bëhet fjalë për dy veprat e artit të vendosura në rrugën "Gjon Buzuku" që i përkisnin skulptorit Vaskë Kolevica.<br /> <br />Dora e papërgjegjshme e njeriut i ka rrëzuar në tokë por ende nuk dihet shkaku i shkatërrimit të tyre.<br /> <br />Ndërkaq policia e mbërritur në vendngjarje në orët e para të mëngjesit po punon për zbardhjen e ngjarjes dhe kapjen e autorëve.<br /> <br />Kjo nuk është hera e parë që skulpturat në qytetin juglindor dëmtohen.<br /> <br />Më herët kanë qenë veprat e artit tek parku Rinia ato që janë dëmtuar.
