Presidenti Bujar Nishani rezulton ndër zyrtarët që ka ndryshuar gjeneralitetet. Në formularin e vetëdeklarimit për efekt të dekriminalizimit Presidenti bën publik faktin se ai në dokumentet e shkollës ka mbajtur mbiemrin e Mehmeti, një mbiemër ky tjetër i familjes së Presidentit.<br /> <br />Formularët janë bërë publik nga Parlamenti ndërsa rezulton se gjeneralitetet i ka ndryshuar edhe kryetarja e KQZ-së, Lefterije Luzi. Emri i saj i mëparshëm ka qenë Lumturie. <br /><br />Krahas kryetares, edhe anëtarja e KQZ-së, Vera Shtjefni ka ndërruar emrin. Më parë ajo ka pasur emrin Luçe. <br /><br />Manisë së ndërrimit të emrit s'i ka shpëtuar as një prej anëtarëve më të vjetër të Komisionit Qendror të Zgjedhjeve, Klement Zguri. Emri i tij i mëparshëm ka qenë Klementin.<br /><br />Mes atyre që kanë ndërruar emrat rezulton edhe ish Rektori i Universitetit të Tiranës, Dhori Kule. Kule, rezulton se më parë quhej Theodhor Kuli ndërsa prej vitesh ai njihet dhe zyrtarisht me gjeneralitetet, Dhori Kule.<br /> <br />Me gjeneralitetet të ndryshuara rezulton dhe anëtarja e Këshillit Mbikëqyrës në Bankën e Shqipërisë, Ela Golemi, e cila më parë quhej Manurela Golemi.<br /> <br />Ndërkohë i dënuar me 8 vite heqje lirie rezulton Gëzim Peshkëpia anëtar i Instituti të Studimeve për Krimet dhe pasojat e Komunizmit, ku po ashtu rezulton se në formular ka deklaruar se ka fituar azil politik në Gjermani gjatë viteve '90.<br /> <br />Dënimin e tij Peshkëpia e përshkruan si Politik dhe ai rezulton se është dhënë më 30 mars 1976 me vendim nr.180.<br /> <br />Kreu i Kontrollit të Lartë të Shtetit, Bujar Leskaj, shkruan në formularin e vetëdeklarimit se nga viti 1991 e deri në vitin 1993, ka qenë emigrant në Greqi.<br /> <br />Ndërsa kreu i ILDKP, Shkëlqim Ganaj rezulton të ketë kryer pushime të gjata vjetore në Turqi nga viti 2009-ë deri në vitin 2013-ë. <br /><br />Një tjetër anëtare e Këshillit Mbikëqyrës të Bankës së Shqipërisë, Denada Prifti, rezulton se jeton prej vitit 1994 në Gjermani.<br /><br />Ndër zyrtarët e lartë shtetëror që rezultojnë me emra të ndryshuar janë edhe deputetët e Kuvendit të Shqipërisë si dhe kryetarët e Bashkive. Formularët me të dhënat e tyre u publikuan një javë më parë nga Komisioni Qendror i Zgjedhjeve.
