Report Tv siguron statistikat e personave të dënuar dhe atyre në pritje të një dënimi që qëndrojnë pas hekurave në burgjet shqiptare, ku në total ata rezultojnë 5547 persona deri më 30 prill 2016.<br /><br />5547 personat që janë pas hekurave me një kosto të përafërt nga 600-700 euro në muaj.<br /> <br />Në këtë tarifë përfshihen dhe pagesat për ilaçet që trajtohen të dënuarit e sëmurë, dhe në muaj nga buxheti i shtetit janë 3.3 milion euro që llogariten si shpenzime për burgjet.<br /><br />Kjo është konsideruar e lartë jo vetëm nga ana financiare por dhe për efekt të mbipopullimit nga Drejtoria e Përgjithshme e Burgjeve, ndërsa jo zyrtarisht kjo shifër për muajin maj dhe pse ende nuk janë publikuar të dhënat zyrtare arrin në 5929 shtetas.<br /><br />Ndër këta persona 2669 janë të dënuar nga gjykatat shqiptare dhe 2878 ende në procese gjyqësore pa një vendim të formës së prerë.<br /><br />Nga shifrat e siguruara nga Report Tv në 11 burgje, rezulton se 38 të dënuar janë gra, 9 të mitur, 11 mbi moshën 70 vjeçare, dhe 159 të dënuar me burg përjetë.<br /><br />Siç e shihni në këtë faksimile të listës së të burgosurve verpat penale që kryesojnë dënimet e dhëna nga gjykatat janë ajo e vrasjes me 951 të dënuar, 373 për vjedhje, 335 për drogë, 280 të përfshirë në organizata kriminale, 77 për plagosje.<br /><br />Ndër krimet më me pak të dënuar renditen mardhëniet seksuale me dhunë, shfrytëzim prostitucioni dhe mashtrimi.<br /><br />Një shifër e cila rëndon jo pak për shoqërinë shqiptare është dhe ajo e moshës aktive për punë ku të renditur nga 18 në 60 vjeç rezultojnë 2013 shtetas mbi numrin total të të dënuarve.<br /><br />Teksa në listën e personave në pritje të vendimit përfundimtar nga gjykata kryeson krimi i narkotrafikut me 678 shtetas, vjedhja me 622 shtetas, vrasja me 234 dhe 111 shtetas për plagosje.
