Gjykata e Tiranës ka nisur procesin gjyqësor për ish Ministrin e Punës, Spiro Ksera, nën akuzë për vjedhje dhe shpërdorim detyre.<br /> <br />Ksera nuk ishte i pranishëm në seancën e parë ndaj tij ndërsa gjykata vendosi t'i jap kohë avokatëve të të pandehurve për tu njohur me materialet hetimore.<br /> <br />Në këtë proces të pandehur janë Alban Karabashi, Artevis Mene, Dritan Fejzulla, Elda Kozaj, Elisabeta Dodbiba, Kleves Bitro, Spiro Ksera ndërsa i vetmi që ndodhej këtë të hënë pas kafazit të hekur ishte Bitro që shihni në këto pamje.<br /> <br />I vetmi që rezulton në arrati është Alban Karabashi i cili prej më shumë se 4 muaj dhe pse ndiqet nga policia ende nuk është kapur. Përpara mbylljes së seancës dhe shtyrjes së saj për javën e ardhshme Bitro kërkoi nga gjykata të ndërhyjë për kushtet e këqija që ai mbahet në paraburgimin 313.<br /> <br />?Zoti gjykatës unë qëndroj në burgun e Durrësit, sa herë që ka seancë, sillem 5 ditë përpara në paraburgimin 313-të, aty janë kushtet çnjerëzore", ju drejtua Bitro trupës gjykuese.<br /> <br />Ksera u arrestua në Janar të këtij viti me akuzën e vjedhjes së 30 milion lekëve me fatura dhe aktivitete fiktive për komunitetin Rom ndërsa 3 tentativat e tij për të ndryshuar masën e sigurisë nga arrest me burg në arrest shtëpie dështuan dhe ai aktualisht mbahet në paraburgim.
