Wolfgang Niedecken - Vollkasko-Desperado 2016 <br /> <br />Die Ballade vom Vollkasko-Desperado <br /> <br />„Könn‘n wir mal grad ‘n Foto machen?“ <br />woor et Eezte, wat dä Typ zo dir jesaat. <br />Zonähx ens drei, vier Fehlversuche, <br />bess sich schliesslich doch noch wer erbarmt. <br /> <br />Er wöhr ens Fan vun dir jewääse, meint e‘, <br />du wills wesse, wat dozwesche kohm. <br />Du hätts dich irjendwie verändert, <br />doch konkret feel ihm nix enn, wat e‘ krumm nohm. <br />„Nur irjendwie woor fröher alles besser, <br />als ihr noch enn Wackersdorf jespillt, <br />wohrt ihr politischer, <br />hück sitt ihr mir zo kommerziell.“ <br /> <br />„Okay“, denks du, wenn dat sing Meinung ess, <br />mer levven schliesslich enn ‘nem freie Land. <br />Bloss nit beleidigt rövverkumme, und du sähss: <br />„Dat ess jo interessant!“ <br /> <br />Du frööchs en, womet hä sing Lück ernährt, <br />er säät, er wöhr Versicherungsagent. <br />„Naja“, denks du, „dann ess dä Mann, <br />wat mich betrifft, jo wirklich kompetent.“ <br />Un schliesslich schaffste ‘t zo verschwinde, <br />doch dä Typ, dä jeht dir noch nit uss em Kopp, <br />denn du bess immer noch perplex, <br />weil dä letzendlich op seltsame Ansprüch pocht: <br /> <br />Bildt dä sich allen Ernstes enn, <br />du bröhts sing Zostimmung für dat, wat du mähss? <br />Bloss weil e‘ irjendwann en Plaat jekauf hätt <br />jööv et als Bonus bovven drop dat Rääsch, <br />sich enn dieh Levve ennzemische, <br />sujet wie ne Faust`che Pakt. <br />Vollkasko-Desperados jonn sick Johre <br />ziemlich op dä Sack. <br /> <br />Als wöhrs du jemals ahnjetrodde <br />als Polit-Clown zwesche Hännesje un Ché! <br />Dat woor e‘ Missverständnis un et deit dir <br />wirklich furchtbar leid, <br />jetz Illusione zo zerstöre, doch en Schublade <br />häss du noch nie jepass. <br />Un du häss Ignoranz un Anmassung <br />sulang du denke kanns jehass. <br /> <br />Ach, hätt dä Typ doch zweschendurch <br />winnichstens aff un zo ens hinjehührt! <br />Denn - weiss der Deufel - ahm Engk <br />hätt e‘ dann jo doch noch irjendjet kapiert. <br />Du woors knapp Achzehn, als du op dä Kreuzung stunds <br />un dich jefrooch häss:“Welche Wääsch?“ <br />Enn Richtung Risiko natürlich un zwar <br />ohne Röckfahrticket enn dä Täsch. <br /> <br />Un du häss immer Kurs jehahle, <br />leider bleht dobei manch einer op der Streck. <br />Du häss jeledde wie e‘ Dier, <br />un wie ‘ne Hungk häss du ding Wunde ussjeleck. <br />Hührt zo, ihr lästije Patiente <br />un Versicherungsagente, uss ‘em Wääsch! <br />Er kohm bessher joot ohne üch kloor <br />un – wie ‘t ussieht – op dä Zieljerad‘ ezz rääsch. <br /> <br />Bildt dä sich allen Ernstes enn, <br />du bröhts sing Zostimmung für dat, wat du mähss? <br />Bloss weil e‘ irjendwann en Plaat jekauf hätt <br />jööv et als Bonus bovven drop dat Rääsch, <br />sich enn dieh Levve ennzemische, <br />sujet wie ne Faust‘che Pakt. <br />Vollkasko-Desperados jonn sick Johre <br />ziemlich op dä Sack. <br /> <br />Vollkasko-Desperados hann jenau jenomme <br />noch nie irjendjet jerafft.
