220 hektarë tokë me vlerë tregu prej 100 milion euro është sekuestruar nga prokuroria e Vlorës pas dyshimeve se ajo ishte përvetësuar me dokumenta të falsifikuara.<br />Hetimet për këtë rast sqaron akuza e Vlorës janë nisur kryesisht e më pas janë bashkuar dhe kallëzimet e dy shtetasve të cilët pretendojnë pronësi mbi këtë sipërfaqe.<br /><br />Kjo masë sekuestro është vendosur me lejen e gjykatës ndërsa si prova janë paraqitur një sërë dokumentesh të falsifikuara të marra në hipotekën e qytetit të Vlorës.<br />Sipërfaqa prej 220 hektarë ndodhet në zonën e njohur si Shën Vasil në Karaburin dhe është regjistruar fillimisht në emër të Rajmond Mezinit.<br /><br />Historiku i falsifikimit të dokumenteve të pronësisë nis me ato të kthimit dhe njohjes së pronës prej 1943 ku fillimisht ka rezultuar pronar Jakup Mezini.<br />Kjo pronë me dokumente të falsifikuar është regjistruar në hipotekë në vitin 2002 me përshkrimin Një sipërfaqe Kullotë prej 220 ha në emër të Rajmon Mezinit.<br /><br />Por tjetërsimi i kësaj prone do të vazhdonte duke u ndarë në dy parcela 130 ha dhe 90 ha. Sipas prokurorisë kjo pronë ka kaluar dhe një sërë transaksionesh të dyshimta të pasqyruara në regjistrat e hipotekës.<br /><br />Këto transaksione thotë prokuroria janë bërë me qëllim fshehjen e origjinës së pronës. Për të cilën tashmë ka nisur procedimi për falsifikim dokumentash, shpërdorim detyre, pastrim parash.
