Partitë e vogla janë më të interesuarat për reformën zgjedhore dhe konkretizuan këtë interesim me dorëzimin në Kuvend të një draft-propozimi.<br /><br />Ai që prezantoi këtë draft ishte kreu i LZHK-së, Dashamir Shehi. Ai tha se drafti është i ngjashëm me propozimet e Partisë Demokratike, që kërkon votim dhe numërim elektronik. <br /><br />Sa i takon sistemit, partitë e vogla kërkojnë atë rajonal me korrigjim kombëtar. <br /><br />?Të kemi korrektim kombëtar dhe me këtë bien dakort të gjitha palët dhe do të jemi rehat nga kjo anë?, tha ai.<br /><br />Platforma kërkon rikthimi tek listat e hapura, që Shehi tha se do të përgjysmojë pushtetin e kryetarëve të partive dhe financim të barabartë sipas parimit të proporcionalitetit të forcës elektorale të partive. <br /><br />?Është një propozim i thjeshtë dhe i qartë nga ana ligjore, të realizueshme dhe që nuk dalin jashtë bashkësisë së kërkesave të palëve të tjera. Ky propozim mbështetet nga 43 parti?, tha Shehi.<br /><br />Shehi thotë se platforma është e partive që nuk përfaqësohen në Komisionin e Reformës Zgjedhore, ndërsa tha se janë dy pika që ndryshojnë nga ai i PD.<br /><br /> ?Dy elementë ka ndryshe nga ai i PD. Ne kërkojmë që procesi duhet të administrohet nga një pjesë e sistemit të drejtësisë dhe jo më nga vullnetarë të partive?, tha ai. <br /><br />Por a janë gati 3 partitë e mëdha që të mbështesin këtë draft? Sipas Shehit po.<br />?Në parim LSI ka dhënë mbështetjen për këtë draft, na e ka dhënë edhe zoti Basha dhe të shpresojmë që të kemi edhe mbështetjen e Ramës?, deklaroi ai.tch
