18 persona kanë mbetur të helmuar nga ushqimi që kanë konsumuar në restorant "Artigiano" në zonën e ish-bllokut, gjatë ditës së enjte dhe të premte. 13 prej tyre janë shtruar në spitalin infektiv në QSUT. <br /><br />Policia e kryeqytetit ka nisur menjëherë hetimin ndërsa Instituti i Shëndetit Publik dhe AKU-ja po analizojnë shkaqet e këtij helmimi. Nga analizat paraprake të kryera, dyshohet se personat kanë konsumuar ushqim të infektuar me bakterin salmonelë, çka ka shkaktuar helmimin e këtyre personave. <br /><br />Burime nga Qendra Spitalore Universitare ?Nënë Tereza?, konfirmuan se pacientët kanë shfaqur shenja lodhjeje, diarre dhe temperaturë të lartë që shkonte deri në 40 gradë.<br /><br />Sipas rrëfimit të vetë pacientëve tek mjekët, është mësuar se ata kanë konsumuar sallatë Çezar, pica pikante, dhe brusketa.
