Ky vend duket si një parajsë e krijuar nga zoti enkas për të shijuar qetësi e relaks, por mbi të gjitha mikpritjen dhe ushqimet tradicionale të Luginës së Valbonës në Tropojë.<br /> <br />Në ceremoninë e çeljes së sezonit kryetari i Bashkisë së Tropojës, Besnik Dushaj, ftoi të gjithë të vizitojnë zonat turistike që ofron Lugina e Valbonës dhe Malësia e Gjakovës. Ndonëse turizmi është në hapat e parë ftesa për të vizituar këtë vend mbetet hapur për të gjithë.<br /> <br />Në çelje të sezonit turistik banorë të zonave ekspozuan në panairin ushqimore produkte të ushqimeve tradicionale të zonës.<br /> <br />Në Valbonë mbërrijnë çdo ditë me dhjetëra turistë jo vetëm nga Shqipëria por nga e gjithë Europa, kryesisht nga Gjermania, Suedia, Anglia etj. Lugina e Valbonës është turistike 12 muajt e vitit. Në verë ajo vizitohet për freskinë e bukurinë e gjelbër ndërsa në dimër kur bora mbulon gjithë zonën.
