Numri i lartë i aksidenteve dhe pasojat e tyre për shkak të infrastrukturës rrugore duket se nuk e ka penguar Drejtorinë e Rrugëve që të lejojë të tjera dëmtime në rrugët nacionale.<br /> <br />Vetëm pak kilometra larg vendit ku humbën jetën dy fëmijë dhe mbeti e plagosur nëna e tyre është bërë një tjetër çarje e autostradës.<br /> <br />Në aksin rrugor, Plepa-Golem, pranë Shkëmbit të Kavajës, karburanti Gega Oil ka hequr barrierat anësore për të siguruar dalje në rrugën kryesore.<br /> <br />Edhe pse kjo ishte ndër të paktat rrugë në vend me standarde të larta, kjo nuk ka penguar aspak autoritetet që të lejojnë dëmtimin e saj.<br /> <br />Në këtë pjesë të autostradës, e cila ka përfunduar vetëm dy vite më parë, janë vendosur tabela për shpejtësi 100km/orë, është e bllokuar nga të dyja krahët e saj dhe paralel me të janë edhe rrugët dytësore.<br /> <br />Pikërisht në këtë pjesë të kësaj rruge ku edhe standardet ishin të larta, është bërë heqja e barrierave anësore për t?i krijuar dalje në autostradë pikës së karburantit, që sipas ekspertëve mund të jetë edhe burim për aksidentet.<br /> <br />Në akset rrugore shqiptare ndodhen plot 1070 karburante, hotele, lavazhe dhe njësi shërbimi të cilat kanë akses të paligjshëm me hyrje dalje në rrugët urbane e interurbane, ndërsa 30 prej tyre janë me leje nga autoriteti shtetëror i rrugëve dhe për pjesën tjetër kanë nisur procedurat e mbylljes së aksesit në rrugë.<br /> <br />Mbetet për tu verifikuar nëse dëmtimi në fjalë i këtij aksi është bërë me leje nga Ministria e Transporteve apo subjekti privat ka ndërhyrë pa një leje nga Drejtoria e Rrugëve.
