Kaluan kontrabandë një kamion me 16.8 tonë kafe, arrestohet shefi i policisë kufitare të Shishtavecit në Kukës, si dhe tre policë të Postës kufitare.<br /> <br />Agim Berisha, 48 vjeç, me detyrë shef i stacionit të Policisë Shishtavec, si dhe tre policët, Agron Nela, 41 vjeç, Mursel Memishaj, 48 vjeç, si dhe Mirel Dalaci, 40 vjeç, të tre këta me detyrë policë trupe u arrestuan nga oficerët e SHÇBA-së.<br /> <br />Sipas njoftimit zyrtar të Ministrisë së Brendshme, të katër këta efektivë, u ndaluan mëngjesin e kësaj të hëne me akuzën e shpërdorimit të detyrës, e kryer në bashkëpunim.<br /> <br />Të katër këta persona akuzohen se me 11 qershor 2016 kanë lejuar kalimin në Pikën e kalimit kufitar në Shishtavec një automjet kamion Scania me targa AA763DC, që transportonte 16 800 kg kafe kontrabandë.<br /> <br />Malli mësohet se ishte ndarë në 280 thasë me peshë 60 kg secili, dhe synonte të hynte në tregun e përpunimit të kafesë në vend. Hetimet e Shërbimit të Çështjeve kanë zbardhur përfshirjen e katër efektivëve të policisë në këtë linjë të kontrabandimit të kafesë, ndërsa ata po hetohen edhe për raste të tjera.
