Title : Mera PAYAMBER Azee tar Hai<br />Naat khwan : Muzaffar Warsi<br />Poet : Muzaffar Warsi<br /><br />Kamal e khallaq zaat uski<br />Jamal e hasti hayat uski<br />Bashar nahin azmat e bashar hai<br />Mera payamber azeem tar hai<br /><br />Wo sharh e ehkam e haq ta'ala<br />Wo khud hi qanoon khud hawala<br />Wo khud hi quran khud hi qaari<br />Wo aap mehtab aap haala<br />Wo aks bhi aur aaina bhi<br />Wo nukta bhi khat bhi daira bhi<br />Wo khud nazara hai khud nazar hai<br />Mera payamber azeem tar hai<br /><br />Sha'oor laya kitab laya<br />Wo hashr tak ka nisaab laya<br />Diya bhi kamil nizam usne<br />Aur aap hi inqelaab laya<br />Wo ilm ki aur amal ki had bhi<br />azal bhi uska hai hai aur abad bhi<br />Wo hat zamanay ka rahber hai<br />Mera payamber azeem tar hai<br /><br />Wo adam o nooh se zyada<br />Buland himmat buland irada<br />wo zuhd e esa se koson aagay<br />Jo sab ki manzil wo us ka jada<br />har ik payamber nihan hai usmen<br />hajoom e paighambaran hai usmen<br />Wo jis taraf hai khuda udhar hai<br />Mera payamber azeem tar hai<br /><br />Bas ek mashkiza ik chataei<br />Zara se jou ek charpaei<br />Badan pe kapre bhi wajibi se<br />Na khush libasi na khush qabaei<br />Yehi hai kul qainat jiski<br />Gini na jain sifat jiski<br />Wohi to sultan e behr o bar hai<br />Mera payamber azeem tar hai<br /><br />Jo apna daman lahu se bhar le Museebaten apni jan par le<br />Jo taigh zan se lare nihatta<br />Jo ghalib aa kar bhi sulha kr le<br />Aseer dushman ki chaah men bhi<br />Mukhalifin ki ngah men bhi<br />Ameen hai sadiq hai mo'tabar hai<br />Mera payamber azeem tar hai<br /><br />Jise shah e shash jihat dekhoon<br />Use ghareebon ke saath dekhoon<br />Inaan e kon o makan jo thamain<br />Kudal par bhi wo haath dekhoon<br />Lage jo mazdoor shah aisa<br />na zar na dhan sarbarah aisa<br />Falak nashin ka zameen pe ghar hai<br />Mera payamber azeem tar hai<br /><br />Wo khalwaton main bhi saf basaf bhi<br />Wo is taraf bhi wo us taraf bhi<br />Mahaz o mimber thikane us ke<br />Wo sir ba sajda bhi sar ba kaf bhi<br />Kahin wo moti kahin sitara<br />Wo jame'iat ka ista'ara<br />Wo subhe tehzeeb ka gajar hai<br />Mera payamber azeem tar hai<br /><br />Kamal e khallaq zat uski<br />Jamal e hasti hayat uski<br />Bashar nahin azmat e bashar hai<br />Mera payamber azeem tar hai
