Subscribe në Ora News këtu http://bit.ly/1s5j7UT<br /><br />Në Tushemisht të Pogradecit po bëhen punimet e fundit që fshati turistik të jetë gati për një pritje të denjë të pushuesve. Këtë sezon pritet fluks turistësh, edhe për shkak të punimeve përgjatë vijës liqenore Lin-Pogradec.<br />Fshati turistik i Tushemishtit i njohur ndryshe edhe si fshati i Teto Ollges po bën pergatitjet e fundit për sezonin veror.<br />Njësia administrative e Buçimasit po bën pastrimin përfundimtar të bregut të liqenit dhe rërës në mënyrë që ajo të jetë gati për muajin korrik, kur dhe fillojnë dyndjet e pushuesve.<br />Kreu i kësaj njësie, Ëngjëll Shyti, thotë për Ora News se ndërhyrje janë bërë edhe në brendësi të fshatit Tushemisht në pjesën e ndriçimit apo dhe sistemimit të hapësirave publike dhe të gjelbërta.<br /><br />Sezoni veror në Tushemisht do të hapet njëkohësisht me atë të Pogradecit në datën 18 qershor, ku do te zhvillohen disa aktivitete festive dhe panaire me produkte të zonës.<br /><br />Për më shumë lexoni në http://www.oranews.tv/vendi/tushemishti-turistik-pergatitjet-e-fundit-per-ardhjen-e-pushuesve/
