Neni 88 i draftit final të Komisionit të Venecias i cili mban larg opozitën për dhënien e kompromisit për Reformën në Drejetësi, komentohet në mënyra të ndryshme nga konstitucionalistët.<br /><br />Sokol Hazizaj thotë gjatë një interviste për Report TV se diskutimi nuk ka të bëjë me përmbajtjen por me formën e sistemit dhe se ky nen është thjesht një pretekst i dyanshëm për konflikt politik.<br /><br />Sipas Haziziajt vetë forcat politike nuk besojnë se mund të realizohet një drejtësi të pakapur politikisht pasi debati është i fokusuar pikërisht nga politika për këtë çështje.<br /><br />Ndërsa profesor Altin Shegani shprehet se zgjidhja e këtij ngërçi politik tashmë vjen vetëm nga marrja në konsideratë e Venecias, ndërsa duhet që palët politike të garantojë balancë në vendimmarrje.<br /><br />Për Sokol Hazizajn beteja është e hapur për kapjen e drejtësisë nga politika, ndërsa referendumi për këtë çështje nuk do të ishte gjë tjetër veçse anarki.<br />Ndërkaq Altin Shegani thekson se sistemi ka vlera brenda tij, por kapja e politike është e papranueshme.
