Bedri Haka, i arrestuar nga policia e Durrësit si autor i dyshuar i vrasjes së Leonard Muratajt në vitin 2014, në Durrës, nuk ka pranuar autorësinë e ngjarjes. Pavarësisht provave të paraqitura nga policia të cilat identifikonin Bedri Hakën si autor të vrasjes së Muaratajt, Haka ka prenteduar se nuk ka pasur lidhje me vrasjen.<br /> <br />Madje ai ka pretenduar fillimisht se nuk ka pasur dijeni mbi ngjarjen, por mjeti i gjetur nga policia në afërsi të Maminasit ku ishte braktisur nga autorët nxori zbuluar Hakën.<br /> <br /> Fillimisht policia kishte gjetur pronarin e mjetit BMW, një person nga fshati Zallë i Fushë- Krujës.<br /> <br />Ai i kishte pohuar policisë se ia kishte shitur veturën e tij Bedri Hakës në Nikël, por se nuk kishte kryer aktin e shit- blerjes dhe të ndërrimit të pronësisë.<br /> <br /> Nga ana tjetër Haka, ka pohuar pas arrestimit dje se ai e kishte blerë veturën nën dorë pa ndërruar aktin e pronësisë, por se në të njëjtën kohë ai e kishte shitur po ashtu pa akt shit- blerje.<br /> <br /> Pavarësisht këtij pretendimi të policisë, në veturën e Hakës gjysmë të djegur janë gjetur gjurmë gishtërinjsh që janë administruar nga ekspertët.<br /> <br />Por, po ashtu Haka mësohet se fillimisht edhe pse ka pretenduar se e ka shitur, por se nuk mbante mend se kujt ia kishte shitur.<br /> <br /> Ndërkaq në lidhje me vrasjen e Muratajt, policia ka pasur dyshime se në ngjarje mund të ishte përfshirë edhe Enver Stafuka, i cili tashmë rezulton të jetë i zhdukur.
