Skandali i dhunimit të fëmijës në kopshtin privat në Tiranë, u thellua dje kur vetë me gojën e saj Ministrja e Arsimit refuzoi të mbajë përgjegjësitë e saj, edhe pse ky institucion ishte i palicencuar në zemër të kryeqytetit.<br />Sipas Lindita Nikollës, faji është i prindërve.<br />Ekzistenca e këtij kopshti privat në zemër të Tiranës, pa liçensë është një shkelje e rëndë e ligjit dhe ne i bëjmë thirrje prokurorisë të hedhë dritë sa më shpejt mbi këtë krim.<br />Është e qartë se ky aktivitet nuk bëhej pa dijeninë e Ministrisë së Arsimit, pa dijeninë e Lindita Nikollës.<br />Por bëhej me dijeninë e tyre të plotë, me bekimin e tyre të plotë.<br />Dikush ka marrë para që kopshti pa licencë të punonte.<br />Dikush është paguar mirë që kjo paligjshmëri të mos prekej.<br />Nxisim prokurorinë që të bëjë një hetim të shpejtë e serioz, për të nxjerrë në dritën e diellit se kush e merrte ryshfetin në Ministrinë e Lindita Nikollës, vartësit e saj apo ajo vetë.<br />Një drejtësi e plotë dhe e rreptë për këtë rast, do të ndihmonte në rritjen e sigurisë për fëmijët dhe vogëlushët e pambrojtur.<br />Por kjo është më shumë se historia e një kopshti pa licensë ku dhunohet mizorisht një i mitur.<br />Krejt vendi, Shqipëria është në të njëtin realitet, ku Edi Rama, dhunon të dobtit, të pamundurit.<br />U merr atyre dhe qindarkën e fundit.<br />I përplas në varfëri e mjerim.<br />Në burgje e në errësirë.<br />Dhe në fund, ky delirant i papërgjegjshëm, na shfaqet si Marigoja i qëndismave në bluzën e kombëtares.<br />Mendon se do ti shpëtojë ndëshkimit popullor me votë për krimet dhe korrupsionin, duke mashtruar paturpësisht për një bluzë.<br />Po në të vërtetë gjithkush e di se ai është autori i Rroshit, Bushit, Bardhit, Prengës, Ndokës dhe Frrokut;<br />Është autori i përgjimit të paligjshëm.<br />Është autori i 2.2 miliardë eurove të vjedhura në 2 vite.<br />Dhe për këto do të gjykohet, dhe ka për të gjykuar nga populli, e jo për mashtrimet dhe vanitetin bosh të vizatimeve të dala boje.
