Jamarbër Malltezi drejtor i Departamentit të Mjedisit në PD dhe njëherësh dhëndër i ish-Kryeministrit Sali Berisha është konfliktuar fizikisht me deputetin socialist Taulant Balla.<br /><br />Nga informacionet të rezervuara bëhet e ditur se, incidenti ka ndodhur në aeroportin ?Leonardo da Vinçi? të Romës mbrëmë teksa Jamarbër Malltezi ishte i shoqëruar me bashkëshorten, Argita Berisha dhe vajza e tyre, ndërsa Taulant Balla ka qenë i vetëm.<br /><br />Burime pranë deputetit Balla pohojnë se, Jamarbër Malltezi, ka goditur në fytyrë dhe ka fyer deputetin socialist, duke i shkaktuar atij edhe shenja në fytyrë. <br /><br />Menjëherë pas ngjarjes, me të mbërritur në Shqipëri, ligjvënësi Taulant Balla ka bërë denoncimin në polici dhe kjo e fundit i ka shoqëruar të gjithë personat e përfshirë në këtë incident.<br /><br />Fillimisht Jamrarbër Maltezi ka refuzuar që të dëshmojë në lidhje me konfliktin që ka ndodhur mes tyre, me pretendimin se çështja është politike.<br /><br />Gjatë dëshmisë në polici, Jamarbër Malltezi ka thënë se u provokuan, ndërkohë që Balla ka thënë se, e kanë goditur për shkak të detyrës.<br /> <br />Pas shoqërimit në polici, Malltezi e Berisha kanë pyetur nëse janë të ndaluar, por oficerët e policisë iu kanë thënë se ishin shoqëruar për shkak të kallëzimit që Balla ka bërë ndaj tyre.<br /><br />Pas marrjes së dëshmive, çështja tashmë i ka kaluar prokurorisë me akuzën ?Goditje për shkak të detyrës?. <br /> <br />Pas marrjes së dëshmive dhe kallëzimit nga Balla policia ka dhënë një vendim për kryerjen e një akti mjeko-ligjor për Taulant Ballën.<br /> <br />Lidhur me këtë incident ende nuk ka reagime nga palët, teksa edhe telefonat e dy protagonistëve rezultojnë të mbyllur.
