Rreth orës 05:00 të mëngjesit të sotëm, është gjetur një automjet në ujrat e liqenit të Shkopetit në aksin rrugor Burrel-Milot, në vendin e quajtur Vabli.<br /> <br />Ka qenë një nga peshkatarët e zonës ai që ka njoftuar policinë, e cila ka mbërritur në vendngjarje, ku nga hetimet ka rezultuar se, automjeti i rënë në ujë është me targa të qytetit të Lushnjës.<br /> <br />Polumbarët u zhytën në 24 metra thellësi, duke gjetur kështu makinën e cila ishte e zhytur në llucën e liqenit dhe kane konfirmuar se nuk ka persona në makinë.<br /> <br />Vetëm pak metra larg kësaj makine, ata kanë gjetur edhe një mjet tjetër i cili dyshohet të jetë ai i rënë para dy viteve, i cili pati të njëjtin fat dhe të njëjtën histori.<br /> <br />Sipas të dhënave paraprake, policia dyshon se, me këtë makinë mund të jetë bërë ndonjë vjedhje ose vrasje dhe është hedhur në ujrat e liqenit.<br /> <br />Pritet te vijë një vinxh, për nxjerrjen e makinës e cila ra sot dhe nuk dihet nëse do vendoset për ta nxjerrë edhe makinën tjetër.<br /> <br />Policia saktëson se, automjeti i gjetur në liqen është me targa nga qyteti i Lushnjes, por bëhet e ditur se vetëm targa AA 969 ND i përket M.D nga ky qytet, por jo automjeti.
