Vlora prej vitesh është ndër destinacionet turistike më të frekuentura në vendin tonë. Por kjo qasje këtë vit duket se ka ndryshuar teksa një pushuesi ose turisti në qytetin bregdetar i duhet të përballet me telashe të shumta.<br /> <br />Një ndër to është trafiku, ku vlen të theksohet aksi Skelë-Uji Ftohtë cili është një prej segmenteve më problematike. Rruga në të dy anët ka vetëm një korsi, duke mos mundësuar parakalimin, teksa kjo sjellë radhë kilometrike.<br /> <br />Situate përkeqësohet nëse ndonjë mjet ka avari, ndërsa në raste zjarresh apo kur është e nevojshme kalimi i ambulancës mesa duket askush nuk ka menduar.<br /> <br />Përpos trafikut një tjetër problem në qytetin e Vlorës është parkimi me pagesë.<br /> <br />Janë plot 24 rrugë të qytetit bregdetar në të cilat duhet të paguar 50 leke nëse do ta parkosh makinën një orë.<br /> <br />Vetë qytetarët edhe turistët e cilësojnë si të papranueshme një gjë të tillë, pasi nëse u duhet ta parkojnë makinën për 40 orë do të paguajnë 5 qind lekë.<br /> <br />Kompania ?Tis Park? e cila ka fituar tenderin për menaxhimin e parkingjeve me pagesë ka filluar gjobit drejtuesit e mjeteve kur makina qëndron në parkim më shume se sa ka paguar.<br /> <br />Gjoba shkon deri në 4500 lekë të reja, ndërsa përveç kësaj në pikat e shitjes së kompanisë rezulton se biletat shiten pa kupon fiskal.<br /> <br />Shqetësimi i qytetarëve për këto çështje ka shkuar deri ne Drejtorinë Rajonale të Tatimeve.<br /> <br />Drejtoresha, Pranvera Resulaj, në një dalje për mediat sqaron se janë bllokuar biletat e parkimeve në 4 njësi të kompanisë Tis Park dhe u bën apel drejtuesve te mjeteve te mos paguajnë gjobat pa u verifikuar me parë nga Drejtoria e Tatimeve.<br /> <br />Ndërkohë veç në qytet turistëve dhe pushuesve u duhet të përballen me telashe është në bregdet.<br /> <br />Report Tv ishte në plazhin e Zvërnecit një ndër më të frekuentuarit ne Vlorë.<br /> <br />Mungesa e sigurisë, papastërtia, por edhe mungesa e ambulancave janë ndër shqetësimit kryesore të atyre plazhistëve që zgjedhin këtë destinacion për të pushuar.<br /> <br />Ndërkohë probleme te theksuara raportohet edhe lidhur me mungesën e energjisë elektrike dhe ujit të pijshëm.
