Një aksident rrugor me pasojë vdekjen e një gruaje ka ndodhur mesditën e kësaj të mërkure në kryqëzimin e rrugës "Jordan Misja" me Unazën pranë Arshivit të shtetit në ora 11:16 minuta siç dhe kanë fiksuar kamerat e sigurisë.<br /> <br />Teksa një nënë me dy fëmijët e saj kalonte rrugën një automjet "Benz" CDI 220 ngjyrë gri me targa AA 476 GLM vjen me shpejtësi i përplas të tre dhe largohet.<br /> <br />Pasi përplas fëmijët ai merr para nënën që përfundon nën makinë dhe kur qytetarët i kërkojnë të ndalojë shoferi automjetit shton shpejtësinë. <br /> <br />Pamjet e frikshme të siguruara ekskluzivisht nga Report Tv, të denja për një skenë horror, janë shkaktuar nga mjeti i identifikuar me pronar Dhimitër Onjela nga Bajkali Delvinës i shpallur në kërkim.<br /> <br />Nëna e dy fëmijëve u dërgua në Spitalin e Traumës në Tiranë, me ndihmën e qytetarëve, por pas ndërhyrjes kirurgjikale s'mundi t'i mbijetojë plagëve të marra duke gjetur vdekjen.<br /> <br />Dëmtime nga ky aksident pësuan dhe fëmijët që ishin në shoqërinë e nënës duke kaluar rrugën dhe aktualisht janë nën kujdesin e mjekëve me dëmtime jashtë rrezikut për jetën por të traumatizuar.<br /> <br />Për zbardhjen e këtij aksidenti policia e Tiranës ka angazhuar Njësinë Operacionale dhe Task Forcën për krimin ndaj jetës për të arrestuar shoferin e mjetit i cili dyshohet se ka qenë nën efektin e lëndëve narkotike.<br /><br />Dëshmitar në vendngjarje ka qenë gazetari i Kronikës në Report Tv, Arsen Rusta, i cili bën me dije se makina ishte duke lëvizur me shpejtësi të lartë në momentin e aksidentit. Ai thotë se qytetarët i kërkuan drejtuesit të mjetit të ndalonte, por pikërisht në këtë kohë ai ka rritur shpejtësinë duke xhiruar gomat mbi trupin e një prej të aksidentuarve. <br /><br />"I kërkuan qyetarët të ndalojnë, por ai nuk e bëri. Në ato momente shpejtësia ishte mbi 70-80 km në orë. Shoferi i mjetit xhiroi gomat mbi trupin e të aksidentuarës. E tmerrshme. Ky person duhet të dalë para ligjit dhe të ndëshkohet siç e parashikon ligji. Një skenë tmerruese na u afrua. Në momentin e aksidentit, një efektiv policie ishte aty pranë dhe nuk përdori armën, pasi nuk i lejohet ta përdorë armën në ambientet publike", theksoi gazetari i Report Tv, Arsen Rusta.
