Avioni i linjës Austiran Airlines që duhet të mbërrinte mbrëmjen e së martës në Rinas në orën 23.50 ka anulluar fluturimin, ndërkohë që udhëtarët janë ankuar se nuk kanë marrë asnjë shpjegim nga kjo kompani.<br /><br />Një prej udhëtarëve ka thënë për Report TV se janë lënë të kalojnë natën në aeroport pa marrë asnjë lloj akomodimi, siç parashikon ligji. Sipas tij, kontaktimi i degës shqiptare të Austiran Airlines ka qenë i pamundur për orë të tëra pas anulimit të fluturimit.<br /><br />E kontaktuar nga Report TV, Austrian Airlines ka pranuar anulimin e udhëtimit drejt Tiranës, por ka theksuar se udhëtarëve u është ofruar mundësia e udhëtimit me fluturimet e mëpasshme të kompanisë.<br /><br />Nga ana e vet, Tirana International Airport ka theksur se është në dijeni të anulimit të fluturimit nga Austria drejt Shqipërisë.<br /><br />Në një reagim zyrtar TIA thotë se për shkak të motit të keq janë anuluar rreth 30 fluturime të Austrian Airlines dhe se situata u normalizua hjatë ditës së mërkurë.
