Një ngjarje e rëndë ka tronditur qytetin e Vaut të Dejës në Shkodër, ku gruaja ka goditur me sëpatë burrin e saj duke i shkaktuar vdekjen e menjëhershme .<br /><br />Sipas të dhënave paraprake bëhet e ditur se gruaja e ka goditur burrin e saj teksa ai flinte gjumë, në shtëpinë e tyre në Barbullush.<br /> <br />Mirela Buzalli 35-vjeçare ka vrarë bashkëshortin Shkëlzen Buzalli 45-vjeç, menjëherë pas ngjarjes ajo është vetëdorëzuar në polici në gjendje shumë të rënduar psikologjike.<br /><br />Sipas të dhënave pranë vendit të ngjarjes, çifti kishte tre fëmiijë, ku më i madhi prej tyre është vetëm 14-vjeç, dhe gruaja krimin e ka kryer gjatë orëve të natës, por vetëm në mëngjes ka shkuar në polici dhe është vetëdorëzuar duke treguar të gjitha detajet.<br /><br />Sipas banorëve të zonës, familja jetonte në një banesë në mes të fshatit aty ku shumë pranë banesës jetojnë edhe të afërmit e viktimës.<br /><br />Në momentin kur ka ndodhur ngjarja kanë qenë në gjumë edhe tre fëmijët e çiftit, ku më i vogli është vetëm 5-vjeç.<br /><br />Çifti, sipas tyre, nuk njihej si problematik, pasi burri ishte i njohur në zonë dhe nuk kishte pasur probleme.<br /><br />Dyshohet se ky krim është i paramenduar nga 35-vjeçarja, pasi dyshohet se ajo ka pasur kohë që të kryejë krimin.<br /><br />Policia bën të ditur se ,gruaja e ka qëlluar në pjesën e pasme të kokës duke e lënë të vdekur në vend.<br /> <br />Menjëherë pas dorëzimit të gruas është ngritur grupi hetimor i cili ka shkuar në banesën e çiftit Buzalli dhe ka nisur hetimet.<br /><br />Ndërkohë, gruaja e vetëdorëzuar në polici është në gjendje shumë të rënduar psikologjike, çka ka bërë që psikologët e policisë së të nisin trajtimin e saj psikologjik.
