Pavarësisht faktit se kjo e martë ka qenë e tejmbushur me zhvillime intensive për Reformën në Drejtësi në politikën shqiptare, kryeministri Rama e ka gjetur kohën të jetë i pranishëm në inagurimin e sallës së re operative në policinë e Tiranës.<br /><br /> Kjo sallë e re përbëhet nga një kompleks shërbimesh të ofruara nga Policia e Shtetit ndaj qytetarëve. Kjo sallë koordinon në kohë reale shërbimet e policisë së rendit dhe policisë rrugore, në raste ngjarjesh. Po ashtu nëpërmjet sistemit GPS, salla monitoron vendodhjen e shërbimeve të policisë rrugore me qëllim orientimin e tyre drejt zonave ku është i nevojshëm shërbimi i policisë.<br /><br />Po ashtu ajo monitoron në kohë reale kamerat policore të trupit, si dhe thirrjet emergjencës në Numrin Unik ?112?, si dhe njoftimet në komisariatin dixhital. Aktualisht shërbimi i numrit UNIK është në funksion vetëm në tiranë ndërsa pritet të shtrihet në të gjithë vendin.<br /><br />Ndërkaq gjatë fjalës së tij kryeministri Rama përfitoi nga rasti për të hedhur poshtë akuzat e herë pashershme të PD-së ndaj ministrit Tahiri. Sipas Ramës, ky është një shembull që tregon se këtij ekipi i lind e drejta të thotë: Qentë le të lehin karvani shkon përpara?<br /><br />"Policia e shtetit ecën në drejtimin e duhur nën drejtimin me vizion të ministrit të brendshëm Ksaj skuadre i lind e drejta të thotë: Qentë le të lehin karvani shkon përpara."tha kryeminsitri.
