Policia kufitare në Kapshticë goditi këtë të martë një rast të trafikut ndërkombëtar të lëndëve narkotike që niste nga Shqipëria me destinacion Turqinë.<br /> <br />253 pako me lëndë narkotike me një peshë prej 260 kg kanabis sattiva u sekuestruan nga policia ndërsa shoferi turk i kamionit trajler u arrestua në flagrancë.<br /> <br />Lënda narkotike sipas policisë, ishte ambalazhuar me pako prej më tepër se 1 kilogramë secila. Lënda narkotike u kap gjatë kontrollit në skaner nga dogana në vijën e dytë të kufirit.<br /> <br />Sipas njoftimit zyrtar të policisë, gjatë kontrollit të mjetit kamion të markës ?Renault? me ngjyrë të kuqe, me targa turke 34 BZ 5293, e drejtuar nga turku Sismek Kulakoglu, është krijuar dyshimi për trafik të lëndëve narkotike.<br /> <br />Menjëherë pas kontrollit me skaner është zbuluar edhe sasia e drogës. Lënda narkotike ishte fshehur në dyshemenë e kamionit në një shtresë të posaçme të dyfishtë të krijuar për të.<br /> <br />Policia ka shpërndarë pamjet që i përkasin pikërisht momentit kur efektivët e policisë prangosin shoferin turk të kamionit, Sismek Kulakoglu, ku tregohet edhe shtresa dyfishe e krijuar në dyshemenë e kamionit.<br /> <br />Ndërkohë Report Tv disponon foton e urdhrit të doganës për kryerjen e skanimit të këtij kamioni, pas ngritjes së dyshimeve se mjeti mund të ishte përfshirë në një situatë trafiku.<br /> <br />Pas ndalimit të shoferit turk, policia dhe Prokuroria e Krimeve të Rënda kanë nisur hetimet për të identifikuar edhe persona të tjerë të mundshëm të përfshirë këtë linjë të trafikut të drogës.
