Report Tv, siguron pamjet e momentit të grabitjes së bankës së nivelit të dytë në Vlorë, ngjarje e ndodhur me 11 korrik të këtij viti. Në këtë grabitje dy persona arritën të merrnin nga sporteli i Bankës një sasi prej 33 mijë eurosh si dhe 6 milionë lekë.<br /><br />E gjithë grabitja u krye për 59 sekonda.<br /> <br />Punonjësit e sigurisë nuk kanë mundur të reagojnë ndaj dy grabitësve, ndërsa ata në mënyrë krejt të qetë kanë mundur të marrin paratë dhe të largohen.<br /> <br />Në pamjet ekskluzive të siguruara nga Report Tv, shihet qartë momenti i parë, kur në orën 13:56 minuta e 36 sekonda, një person i armatosur vjen nga krahu i djathtë i punonjësit të sigurisë dhe e kërcënon duke i drejtuar armën.<br /> <br />Pas këtij veprimi punonjësi është larguar i frikësuar.<br /> <br />Menjëherë në derën e bankës është shfaqur dhe grabitësi i dytë. Në pamjet e brendshme shihet qartë një prej punonjësve të sigurisë ka qenë duke ndihmuar klientët i cili nuk ka reaguar.<br /> <br />Të gjithë personat që ndodheshin brenda bankës janë shtrirë teksa kanë parë njërin prej grabitësve me armë ndërkohë që tjetri ruante jashtë. Më pas ai i është drejtuar sportelit duke marrë dhe shumën e parave.
