Një person mbeti i plagosur rëndë këtë mëngjes në Fushë- Mamurras, pasi mjeti me të cilin ai udhëtonte u përplas nga treni i linjës Shkodër -Tiranë.<br /> <br />Ngjarja ndodhi këtë mëngjes kur Gerald Biba ka tentuar të kalojë postbllokun hekurudhor në Fushë- Mamurras, por ka mbetur mbi shina duke i ndërprerë rrugëtimin trenit.<br /> <br />Për pasojë treni me pak vagonë, ka marrë përpara për rreth 100 metra veturën me të cilën udhëtonte Biba.<br /> <br />Ky i fundit u dërgua menjëherë në spitalin e Laçit në gjendje të rëndë shëndetësore.<br /> <br />Sipas burimeve të policisë në segmentin ku ndodhi aksidenti nuk ka pasur tra që të sinjalizonte mbërritjen e trenit dhe mbylljen e kalimit për automjetet.<br /> <br />Mungesa e tyre ka sjellë shpesh herë ngjarje të rënda në zonën e Laçit dhe të Mamurrasit.
