Një familje me 9 anëtarë është ngujuar në banesën që jeton prej vitit 1951.<br /> <br />Shkak është bërë një vendim gjykate, i cili i kalon banesës një tjetër familje e cila ka pretenduar pronësinë mbi këtë truall.<br /> <br />Në momentin që përmbarimi ka shkuar për të ekzkeutuar vendimin, familjarët janë mbyllur brenda, ndërsa njëra prej anëtarëve Mira Sadiku është ngjitur mbi cati, duke mbajtur edhe një thikë në dorë.<br /> <br />Pjesë e kësaj familje është edhe e moshuara që i ra të fikët një ditë më parë, në protestën për miratimin e reformës në drejtësi.<br /> <br />Familja Sadiku pretendon se kjo banesë është në pronësi të shtetit dhe jo të pronarëve që kanë fituar gjyqin<br /> <br />Ndërkohë Remzi isufi, i cili ka fituar gjyqin thotë se shtëpia është e tij<br /> <br />Përmbarimi ka tentuar të hyjë brenda, por e ka pasur të pamundur, pasi nuk kanë thyer dot derën kryesore, por edhe për shkak se familjarët kanë kundërshtuar me forcë.<br /> <br />Në fund policia dhe përmarimi janë larguar, duke mos e ekzekutuar vendimin.
