Dy persona janë vrarë me armë zjarri, ndërsa një tjetër ka mbetur i plagosur. Ngjarja ka ndodhur mbrëmjen e sotme 24 korrik në qytetin e Vlorës pranë rrugës së spitalit.<br />Sipas gazetarës së Ora News në Vlorë, Jerola Ziaj ngjarja ka ndodhur për motive të dobëta në afërsi të një pikë bastesh.<br />Viktimat janë dërguar në morg, ndërsa i plagosuri është dërguar në spitalin rajonal të qytetit bregdetar dhe ndodhet në gjëndje të rëndë shëndetësore.<br />Sipas burimeve të para një prej viktimave është identifikuar si I.Deromema ndërsa nuk dihet identiteti i vikimës tjetër, ndërsa i plagosur është identifikuar si K. Runaj 53 vjeç i cili ka marrë dy plumba në trup.<br />Rrethanat e ngjarjes janë ende të paqarta, por burimet të Ora News bëjnë të ditur se është qëlluar nga një makinë në lëvizje.<br />Forca të shumta policore kanë mbërritur menjëherë në vendin e ngjarjes dhe po punojnë për identifikimin dhe kapjen e autorëve.<br />Ngjarja e rëndë vjen në një periudhë kur qyteti i Vlorës është në kulmin e sezonit turistik dhe pushuesit janë të shumtë në numër.
