Çmimet deri 500 euro të kësaj vere për fluturimet drejt Romës, Milanos apo Parmës vijnë për shkak të tarifave mjaft të larta aereportuale që aplikon koncesionari i Aereoportit Nënë Tereza. Ish-Drejtori i Autoritetit të Aviacionit Civil, Ervin Mazniku, thotë se kompania koncesionare gëzon monopolin e plotë të fluturimeve ndërkombëtare, duke diktuar tarifa mjaft të larta naj operatorëve.<br /><br />Mazniku analizon edhe ngjarjen e rëndë të disa ditëve më parë, kur në ambientet e Aereoprtit "Nënë Tereza" u vodhën rreth 1 milionë dollarë.<br /><br />Sipas tij, problemet e sigurisë në aeroport janë evidentuar edhe nga testimet e institucioneve ndërkombëtare. Por rekomandimet e këtyre institucioneve duket se nuk u zbatuan nga TIA, duke kulmuar më 30 qershor me vjedhjen spektakolare në pistën e fluturimeve.<br /><br />Veçanërisht gjatë kësaj vere shqiptarët janë përballur me çmime shumë të larta udhëtimesh, të cilat arritën deri në 500 euro për fluturime drejt qyteteve italiane.<br /><br />Shkak për të cilin ndodh shpesh që qytetarët shqiptarë të udhëtojnë nga aeroportet e vendeve fqinje, por edhe të kombinojnë fluturime me dy apo tre ndalesa.<br /><br />Nga aeroportet fqinje mund të udhëtohet vajtje ardhje drejt destinacioneve italiane me afërisht 70 euro, ndërkohë që nga Shqipëria çmimet aktuale janë rreth 250 euro vajtje- ardhje.<br /><br />Për në Londër mund të udhëtohet vajtje-ardhje nga aeroportet fqinje me çmime më pak se 200 euro, ndërkohë që nga Shqipëria udhëton rreth 400 euro.<br /><br />Pa përmendur udhëtimet low cost, të cilat mungojnë tërësisht në tregun shqiptar: në Bari, bileta e udhëtimit drejt Dyseldorfit kushton vetëm 36 euro.
