Kultivimi i drogës dhe vartësia ndaj saj për herë të parë në shqipëri pritet të monitorohet nga një zyrë e posaçme.<br /><br />Në parlament ka mbërritur projektligji që i hap rrugë ngritjes së Zyrës së Sistemit Kombëtar të të Dhënave për Drogën, të dhëna të cilat do ti shërbejnë institucioneve të zbatimit të ligjit për luftën ndaj narkotrafikut.<br /><br />Një tjetër ndryshim që parashikohet në ligj është dhe organizimi i zyrave të luftës ndaj drogës në policinë e shtetit ku në rast të miratimi të këtij projektligji do të quhet struktura për hetimin e lëndëve narkotike në Policinë e Shtetit, strukturë e cila organizohet në nivel qëndror dhe lokal.<br /><br />Po ashtu në këtë projekt parashikohet përfshirja e ministrisë së mjedisit në fazën e asgjësimit apo ruajtjes së lëndëve narkotike si prova material.<br />Ky komitet përbehet nga Ministria e Brendshme, e Mjedisit, e Shëndetësisë dhe Prokuroria e Përgjithshme.<br /><br />Me ndryshimet në ligjin për lëndët narkotike përfshihen në nenin 6 dhe 7 dhe përballimi i shpenzimeve nga policia e shtetit për çdo rast të blerjes së drogës së stimuluar nga agjentët e hetimit si dhe shpenzimet për dorëzim të kontrolluar të mallit për llogari të një operacioni.
