Një efektive policie ka humbur jetën dhe një person tjetër është plagosur mëngjesin e sotëm në një aksident automobilistik pranë Urës së Mifolit në rrugën Levan-Vlorë.<br /><br />Refie Shtrumi, 33-vjeç e cila drejtonte një mjet tip Ford Focus me targë AA601 FZ ka humbur kontrollin duke u përplasur me një pemë. Përplasja ka rezultuar fatale për efektiven e policisë, e cila ka humbur jetën menjëherë, ndërkohë që i plagosuri është dërguar në spital.<br /><br />Aksidenti ka ndodhur rreth orës 04:00 të kësaj të mërkure, dyshohet se 33-vjeçarja ka humbur kontrollin e mjetit nga lodhja .<br /><br />Forcat e policisë kanë shkuar menjëherë në vendngjarje dhe po punojnë për zbardhjen e rrethanave të aksidentit.
