Në një kohë kur faktori ndërkombëtar në vend po kërkon me insistim votimin në kuvend të 7 ligjeve shoqëruese të Reformë në Drejtësi, mes të cilëve edhe ngritja e Vetingut, janë zbardhur edhe formularët e vetëdeklarimit të këtij ligji që synon nxjerrjen jashtë sistemit të personave që janë të korruptuar.<br /><br />Shqiptarja.com ka zbardhur formularët të cilat duhet patjetër që ti plotësojnë të gjithë ata persona të cilët do të konkurojnë për tu përfshirë në sistemin e ri të drejtësisë në vend.<br /><br />Këto formularë vetëdeklarimi i japin të drejtë ?kontrollorëve?, që të verifikojnë pasurinë e tyre dhe të familjarëve, ku në rast se konstatohen të dhëna të rreme gjyqtari apo prokurori i emëruar do të ndiqet penalisht.<br /><br />Formulari i dytë, ka të bëjë me plotësimin e të dhënave për kontrollin e figurës, për të mënjanuar futjen në sistem të personave që mund të kenë lidhje me krimin.<br /><br />Sakaq, formulari i tretë, të gjithë kandidatët duhet të japin informacion të detajuar mbi të gjitha çështjet që kanë shqyrtuar gjatë tre viteve të fundit në detyrën e tyre si prokuror apo gjyqtarë.<br /><br />Shqiptarja.com zbardh gjithashtu faktin se këto formularë vetëdeklarimi do të plotësohen nga të gjithë ata që duan të konkurojnë për organet që do të bëjnë ?Vetingun? e të gjithë gjyqtarëve e prokurorëve, ndërkohë që këto formularë do të dorëzohen tek institucioni i Byrosë Kombëtare të Hetimit.<br /><br />Në këtë proces do të përfshihen edhe familjarët e tyre deri në brezin e katërt dhe krushqitë deri në brezin e dytë.
