Komisioni për reformën në drejtësi pritet të mblidhet ditën e hënë për diskutimin e ligjit për Vettingun, që është edhe ligji i parë që kakon në parlament pasi lidhet drejtpërdrejtë me ngritjen dhe funksionimin e institucioneve të reja të drejtësisë.<br /> <br />Burime nga opozita bëjnë me dije për Report TV se ligji i Vettingut është parë nga ekspertët dhe është gati tashmë të diskutohet në komisionin e posaçëm. Të njëjtat burime bëjnë me dije se opozita është shprehur e gatshëm të diskutojë nga dita e hënë këtë projektligje për zhvillimine kësaj mbedhje me dyer të hapura edhe për mediat.<br /> <br />Ndërkohë kjo datë e mbledhjes së komisionit pritet të dakordësohet mes kryetarit të Komsionit Fatmir Xhafaj dhe nënkryetarit Oerd Bylykbashi.<br /> <br />Ligji i vlerësimit të gjyqtarëve, i njohur si ligji i Vettingut , i cili, siç tha pak ditë më parë kreu i komisionit u është dhënë anëtarëve të komisionit të posaçëm që prej fillimit të muajit korrik është gati për tu diskutuar nen për nen dhe në themel, bashkarisht mes palëve.<br /> <br />Ndërkaq EURALIUS iu drejtua Komisionit të Posacëm pak ditë më parë me një draft, të këtij ligj në të cilin përfshiu edhe ndryshimet kushtetuese për vettingun, të miratuara konsensualisht mbrëmjen e 21 korrikut. Sa i përket 6 ligjeve të tjera që vijnë pas ndryshimeve kushtetuese e që pritet e të diskutohen në shtator në kuvend dhe të miratohen më pas në seancë, opozita nuk I ka në dispozicion versionet finale të miratuara vetëm nga mazhoranca në komision.
