Liqeni artificial i Viroit dhe Lumi Drino dy pasuri kombëtare dhe nga pikat më të frekuentuara nga banorët e Gjirokastrës rezultojnë me ndotje të lartë dhe ndaj nuk duhet të frekuentohen nga banorët.<br /><br />Pas analizave të kryera nga Drejtoria e Shëndetit Publik Gjirokastër rezulton se uji i Lumit dhe i Liqenit është i ndotur dhe përbën rrezik për jetën e atyre që e frekuentojnë.<br /><br />Specialistët e shëndetit publik u bëjnë apel qytetarëve që të mos bëjnë plazh në këto vende pasi mund të infektohen.<br /><br />Gjithashtu Drejtoria Rajonale e Shëndetit Publik i është drejtuar me një kërkesë Inspektoratit të Mjedisit që të marrë masat e nevojshme lidhur me këtë rast.<br /> <br />Niveli më i lartë i ndotjes është konstatuar në rrjedhën e lumit Drino ku shkarkohen edhe kolektorët e ujërave të zeza të qytetit Gjirokastër.<br /><br />Por ajo që ka shqetësuar këtë drejtori, është dhe ndotja e burimit të Viroit, ku për herë të parë konstatohet ndotje bakteriale. Kjo sipas Doracit mendohet se mund të ketë ndodhur nga prezenca e disa stallave të bagëtive në kodrën e këtij parku.
