Kreu i Autoritetit Rrugor Shqiptar ka hedhur poshtë akuzat e Policisë për mungesën e sinjalistikës në aksin ku ndodhi aksidenti i rëndë në Shkodër.<br /><br />Sipas tij, akuzat mbi aksidentin ku gjetën vdekjen 4 persona bëhen për të hequr përgjegjësitë nga vetja. Ai shtoi se vetëm 4% e aksidenteve ndodhin për shkak të gjendjes së rrugëve, dhe se fajtorët kryesorë janë drejtuesit dhe automjetet.<br /><br />Përplasja mes Autoritetit Rrugor Shqiptar dhe Policisë së shtetit për aksidentin e rëndë në Shkodër ka vazhduar dhe sot.<br /><br />Në një deklaratë për shtyp, kreu i ARRSH ka hedhur poshtë akuzat e bëra nga Policia e Shtetit, duke theksuar se segmenti në fjalë është i pajisur më së miri me sinjalistikë dhe elemente sigurie.<br /><br />Nga ata tjetër, sipas tij, aksidenti ka ndodhur në një rrugë dytësore, jashtë juridiksionit të ARRSH.<br /><br />Xhika solli në vëmendje një analizë të ARRSH, sipas së cilës vetëm 4% e aksidenteve ndodhin për shkak të mungesës së sinjalistikës. <br /><br />Ai shtoi se tashmë 75 e rrugëve të Shqipërisë janë të mbuluara me sinjalistikë, ndërkohë që u bëri thirrje qytetarëve të bëjnë kujdes e të respektojnë rregullat e qarkullimit për të mos u përfshirë në aksidente.
