Policia e Durrësit ka shoqëruar në polici personin që tërhoqi zvarrë me makinën e tij, një qen.<br /><br />Video e rëndë u publikua në rrjetet sociale, ku shikohej sesi K.B 42 vjeç banues në Xhazotaj, Shijak tërhiqte në pjesën e pasme të mjetit një qen.<br /><br />Pasi u bë i mundur identifikimi i personit, 42 vjeçari është shoqëruar në polici për veprime të mëtejshme.<br /><br />Materialet i kaluan Prokurorisë së Rrethit Gjyqësor për vlerësim.<br /><br />Policia gjithashtu dëshiron të falenderojë mediat dhe qytetarët për denoncimin e rasteve të tilla flagrante dhe garanton se do të reagojë pa hezitim për vënien para ligjit të çdo shkelësi.
