Një aksident i rëndë rrugor ka ndodhur mesditën e kësaj të enjte në fshatin Trebisht të Bulqizës, në kufi me Maqedoninë. Tre persona kanë humbur jetën, ndërsa një tjetër ka mbetur i plagosur rëndë.<br /><br />Viktimat janë Azem Karabrahimi 21 vjeç, Elena Bajrami 32 vjeç dhe Musa Nuerdini 55 vjeç. I plagosur rëndë ka mbetur 27-vjeçari Gentjan Sula, i cili po mjekohet në Dibër të Madhe në Maqedoni.<br /><br />Nga informacionet paraprake mësohet se automjeti tip Opel me targa AA 791 JY në të cilin udhëtonin 3 viktimat dhe i plagosuri ka rënë në humnerë, ndërsa shkak rezulton shpejtësia tej normave të lejuara.<br /> <br />Makina drejtohej nga Azem Karabrahimi, ndërsa ishte duke udhëtuar me motrën e tij Elena Bajrami, e cila humbi jetën dhe Musa Nuredini, kushëri i largët i dy viktimave, që po ashtu vdiq nga aksidenti tragjik.<br /> <br />Gentian Sula, kushëri i dy viktimave (motër e vëlla) në momentin qe makina po rrokullisej për në humnerë është hedhur duke shpëtuar nga vdekja.<br /> <br />Tre viktimat dhe i plagosuri nga fshati Ostreni i Vogël po ktheheshin nga Maqedonia dhe shkonin për në Trebisht.<br /> <br />Vendi ku makina doli nga rruga duke përfunduar në humnerë nuk ka barriera, pasi ndërpriten nga një 'xhep', në krah të së cilës nuk ka asnjë mbrojtëse.<br /> <br />Makina tip Opel me targa AA 791 JY nga shpejtësia ka dalë nga rruga duke mos hyrë në kthesë duke përfunduar në humnerë.<br /> <br />Policia ka mbërritur në vendngjarje dhe po kryen hetimet për zbardhjen e shkaqeve të këtij aksidenti tragjik.
