Zbardhet skema e grabitjes së filalit të Bankës kombëtare tregtare në zonën e ish- bllokut në Tiranë.<br /> <br />Autorët dyshohet se kanë hyrë nga një dritare e lokalit të braktisur nga zona e pasme e tij, pasi kanë shqyer hekurat e dritares.<br /> <br />Siç duket nga pamjet, grabitësit kanë hyrë përmes dritares së lokalit, për të mbërritur në bodrum përmes një palë shkalle, ku edhe iu futën punës për të çarë murin.<br /> <br />Ambienti më herët ka shërbyer si kazino apo klub nate. Ndërkaq në drejtimin jugor të objektit, është një derë e vogël.<br /> <br />Ajo dyshohet se është përdorur për të hapur edhe murin e bankës, duke shqyer zgarën e hekurit.<br /> <br />Autorët që sipas dyshimeve të policisë kanë qenë së paku dy, kanë përdorur gjatë grabitjes vegla të ndryshme pune, si dalta, çekiçë leva etj, të cilat u gjetën në vendin e ngjarjes.<br /> <br />Madje në pranë vendit ku u ça muri, ndodhej edhe një bombol oksigjeni e cila mund të jetë përdorur nga grabitësit për të prerë pjesë metalike.
