Gjykata e Amsterdamit vendosi ekstradimin e Arben Frrokut, i kërkuar nga autoritetet shqiptare të drejtësisë, për vrasjen e kryekomisar Dritan Lamajt. Frroku për këtë krim është dënuar me burgim të përjteshëm.<br /><br />Ai qëndronte në Holandë, ku ishte arratisur pas vendimit të pafajësisë së Gjykatës së Shkallës së Parë të Krimeve të Rënda. Për kundër këtij vendimi Gjykata e Apelit vendosi dënimin e tij me burgim të përjetshëm.<br /> <br />Gjykata e Amsterdamit vendosi të pranojë kërkesën e autoriteteve shqiptare për ekstradimin e Arben Frrokut në Shqipëri, ku është i dënuar me burgim të përjetshëm për vrasjen e kryekomisar Dritan Lamajt.<br /> <br />Lajmi u bë i ditur për mediat nga burime të Policisë së Shtetit që thanë se gjykata ka refuzuar kërkesën e Frrokut për të mos u ekstraduar në Shqipëri.<br /> <br /> Ai pretendonte se në Shqipëri i rrezikohej njëjta në burg nga gjakmarrja. Ndërkaq ministri holandez i drejtësisë, pritet të firmosë vendimin e ekstradimit të tij në drejtim të vendit tonë, pasi të ketë marrë formë të prerë vendimi i ekstradimit.<br /> <br />Në këtë mënyrë vrasësi i Komisarit Dritan Lamaj do t?i rikthehet qelive në burgjet shqiptare, aty ku është dënuar të qëndrojë përjetësisht.<br /> <br />Dosja e plotë në të cilën kërkohej ekstradimi i Frrokut, mbërriti në Amsterdam 20 korrik të këtij viti, disa javë pasi ai ishte arrestuar, si i kërkuar ndërkombëtar nga Interpol Tirana, për vrasjen e kryekomisar Dritan Lamajt.<br /> <br />Dosja mësohet se përmbante vendimin e formës së prerë të gjykatës shqiptare për dënim të përjetshëm. Gjykata holandeze vlerësoi se Frroku nuk solli provat e mjaftueshme për të penguar ekstradimin e tij.<br /> <br />Po ashtu gjykata holandeze kishte cilësuar burgjet shqiptare të sigurta dhe se në këtë mënyrë ai mund të ekstradohej në drejtim të vendit tonë. Avokati i Frrokut, pretendon se provat mbi të cilat është dënuar Arben Frroku nuk qëndrojnë dhe filmimet e kamerave të sigurisë nuk ishin të qarta.<br /> <br />Sipas Frrokut vendimi për burgim të përjetshëm ishte i ndikuar politikisht dhe i korruptuar. Frroku në një proces në Gjykatën e Krimeve të Rënda, u shpall i pafajshëm.<br /> <br />Trupi gjykues i përbërë nga Klodian Kurushi, Fran Prendi, Ardjan Mustafaj, Liljana Baku, me Kryetar Dritan Hallunaj i dhanë pafajësinë Frrokut. Pak ditë më pas ai u largua jashtë vendit. Pak javë pas arratisë, Gjykata e Apelit të Krimeve të Rënda, e dënoi atë me burgim të përjetshëm.
